«Юртара культуран болхло» яха программа я вай мехка дӀайолалуш
Укх бетта 15-ча дийнахьа денз, дӀодолалу «Юртара культуран болхло» яхача программе дакъа лоацараша дехар чулуш дола гӀулакх. Юрташка пхе шера болх бе дӀабаха раьза болча цу мугӀарерча къахьегамхошта дала оттадаьр 1 млн сом ахча да.
Культуран гӀулакхех йолча министерстве белгалдечох, йоккха йоацача юрташкарча культуран цӀеношка болх бе боккхий говзанчаш тӀахьехара тӀехьа дӀахьош хӀама да из.
«Культуран оагӀонцара болхлой ма хулла дукхагӀа хилийта, болх беча моттигашка царна эшар Ӏалашде дӀахьош я программа.
Укх бетта 15-ча денгара ахкан шоллагӀча бетта 15-ча денга кхаччалца латтаргда дехар чудалара гӀулакх. Ахкан шоллагӀча бетта 30-гӀа ди отталехь, котбаьннарий цӀераш йоахаргья.
Гуйран хьалхарча бетта 1-гӀа ди кхачалехь чӀоагӀо яь хила дезаш да болхлочун, культуран цӀен юкъера из болх дӀаболабара белгалдеш дола къахьегама каьхат. Гуйран тӀехьарча бетта 1-гӀа ди отталехь, дӀаэцаргда болхлочо шийна хьожадаь ахча», - дийцар «Сердалога» цу мугӀарерча министерстве.
