Гӏалгӏайчен прокуратура тохкаш я, Соагӏапча газаца нийсденна хатар
06.01.2026 19:11
Республикан прокурора тӏахьожама кхетаче дӏайихьар, Магӏалбика кхале тахан нийсденна хьал тохкаш. Цун бахьан дар, Соагӏапча Орджоникидзе урамах долча доалахьарча цхьан цӏагӏа газ эккхар, яхаш, дийцар мехка прокуратуран зарбан болх лелабераша.
«Цу гӏулакхага хьажар тӏадиллад, Магӏалбика кхален прокуратуран болхлошта. Из болх дӏахьош, цар тохкаргда из хIана нийсденнад. Къаьстта ха дезар да, газацара хьал леладара бокъонаш лораяьйий, газа гӏирс мишта лелабаьб», - аьлар хоамо.
Гӏулакх техкачул тӏехьагӏа, ховш хургда цу гӏулакха бехктокхаме малав а, прокуратуранна фу гучадаьлар а. Из хьал лаьрххӏа ший теркама юкъеийцад республикан тӏахьожама моттига кулгалхочо.
