Ха чакхъяьннача молхашцара гӏулакх тохкаш хилар Илдарха - Гӏалий тӏарча прокуратуре
15.07.2026 21:46
Илдарха-Гӏалий тӏарча Прокуратуран болхлоша техкар, шахьарерча дарбанчено молхаех дола гӏулакх мишта леладу. Дӏабихьача тохкамо гучадаьккхар дарбанче ха чакхъяьнна молхаш хиннилга, иштта царех дар балха каьхаташ тӏа дӏа ца яздеш, болхлоша тӏехьатетташ хиннилга. Из бахьан долаш, цига малагӏа молхаш я, уж мел я белгалдеш бола хоам нийса хиннабац.
«РФ КоАП 2-ча даькъа 6.34 ст. бехктокхаме озаш ва тахан цу дарбанчера керттера лор. 5 эзар сом гӏод техар цунна ӏаьдало», - йоах «Сердалога» прокуратурера кхаьчача хоамо. Деррига гӏалаташ меттадоаладеш, болх дӏабихьаб дарбанче карарча хана.
