Прокуратуро дӏадех ГӏалгӀайчен Лаьжгера гӀалаш тоаяр
ГӏалгӀайчен Жӏайрахьа кхален прокуратуро тӀахьожама болх дӀабихьар культуран тӀехьален моттигашка закон лорадой хьожаш. Тӏахьожама болх дӀахьош белгалдир, федеральни доалахье лоархӀаш йола Жӏайрахьа кхален цӀихезача Лаьжгера гӀалаш воча хьале хилар.
ГӏалгӀайчен тӀахьожамхоша «Сердало» газетага хоам ма барра, дӏабихьача балхо хьагойтар, архитектуран сийленг лоархӀаш йола, лакха исторически мах бола моттиг тоае езаш хилар. Гӏишлой пенаш лийлха да, лардаш а меттагӏъяьннай. Уж тӏох яь гӀишлош яйна дӀаялара кхерам болаш я.
Исторически белгалон моттиг лораяра, прокуратуро судага кхайкарал дир. Цо лоткъам дӀабахьийтар ГӏалгӀайчен культуран тӀехьален моттигаш лораяра паччахьалкхен Комитет декхарийла оттаяр дехаш, гӏалаш ягӏа из шира юрт бӀарчча тоае, меттаоттае.
