Прокуратуро меттаоттайир 86 шу даьннача кхалсага пенсецара бокъонаш
Илдарха-Гӏалан прокуратуро дӏабихьар 86 шу даьннача яхархочун дехарца бувзабенна тӏахьожама болх. Ха яха кхалсаг латкъаш яр ший пенсионни бокъонаш толхаяра.
«Тӏахьожама болх дӏахьош, дӏадахача шера ардара бетта белгалдир, Волгоградски областе гӏолла йолча Россе вахара страховане пенсионни Ганза Отделене харцахьа соцам баь хилар. Бокъонах доацаш, пенсионерка ахча 15 эзар сома лохдаьд цига», - аьлар «Сердало» газетага Гӏалгӏайчен тӏахьожамхоша.
Цу кхалсага оагӏув хьаллоацаш, Илдарха-Гӏалан прокурора судага латкъаш дехар чуденнад, из гӏулакх нийсдар хьадехаш. Судо кхоачашдир прокуратуро дӏадехар.
Прокуратура юкъеяларах, пенси ийдара бокъонаш бӏарчча меттаоттайир. Карарча хана цу кхалсага хьалха хинна пенси хьадоладелар, цу тайпара соцадаь ахча 130 эзар сом а хьаийцар.
