СВО доакъашхошта гӏо деш ва Магас-Шахьара прокурор Шаденаькъан Беслан
Тӏема операце доакъашхошта гӏо деш ва тахан Магас-Шахьара прокурор Шаденаькъан Беслан. «Тӏема операце доакъашхошта ӏаьдалгара хьадоагӏача хӏаманца дувзаденнараш доашхаш, цар дехараш тӏаэцаш хилар «Даьхен лорабой» яхача ганза мехкарча филиале прокурор Шаденаькъан Беслан. Дукха хаттараш дар хьатӏаихарий. Цу юкъе дар тӏема операцена юкъе хиннача ветерана удостоверени хьаэцарца, лорашка чакхваларца, де доацаш байнараш хьалахарца, иштта ӏаьдалгара хьадоагӏа ахча хьаэцарца дувзаденнараш», - дийцар тха газетага.
Шаденаькъан Беслана дехараш тӏаэцаш болх дӏабихьар цига, дукха юкъ ялалехь массадолча дехарашка гӏолла тохкам бергба.
«Иштта цхьана дӏакхухьаш йолча кхетаченаша дикка пайда бу, ветеранашта доккха гӏо хул цу балхах», - дийцар «Даьхен лорабой» яхача ганза регионерча филиала кулгалхочун гӏонча йолча Джанхотанаькъан Мадинас.
