«Даьхен лорабой» яхача ганзе, бахархой тӏаийбеш хилар мехкара прокурор
«Даьхен лорабой» яхача ганза моттигерча филиале, бахархой тӏаийбеш хилар мехкара прокурор Васильченко Андрей. СВО доакъашхой бокъонаш лораяра тӏехьа дӏахьош болх бар из. Иштта цу кхетаче дакъа лоацаш хилар прокурора гӏонча Гаьгенаькъан Хьусен, ганза филиала хьалха латта Абаьданаькъан Ислам, Мамилганаькъан Мадина.
«Хьакимашта, цхьацца хаттараш дахьаш, тӏабаьхка хилар СВО ветеранаш, бӏухой цӏагӏара нах, иштта тӏема аренашка де доацаш байнарий даьй-ноаной. Къаьстта терко йир кхетаче бӏухошта, цар цӏагӏарча наха гӏо дара, ӏаьдалгара хьадоагӏаш дола хӏама хьадоладалийтара, де доацаш байнараш лохаш къахьегара, СВО доакъашхошта, цар дезалашта лорашка чакхбоалаш новкъостал дара», - дийцар «Сердалога» цу моттиге.
Бахархошкарча 13 дехарца бувзабенна, ше тӏахьожам беш, болх дӏабохьийтаргба прокурора. Цхьаккха а тӏадена дош тохкам ца беш дутаргдац. Хӏара каьхата ларах къахьега дезилга белгалдир хьакима.
СВО доакъашхой бокъонаш лораяра оагӏонца дӏахьош, лоархӏаме болх ба из.
