Наьсарерча прокурора Чербажанаькъан Ибрахӏима СВО доакъашхошта, цар дезалашта гӏо дергда
12.02.2026 11:53
Тӏема операце доакъашхошта, цар дезалашта вахара оагӏонцара цхьацца кхоачамбоацараш юстардахара тӏехьа гӏо дергда прокурора Чербажанаькъан Ибрахӏима.
«Даьхен лорабой» яхача ганза мехкарча филиале бахархой тӏаийбу ди долаш, цо дӏабихьар цу оагӏонцара болх.
«Наха тӏакхихьача дехарашта юкъе дар дарбанчешка чакхбаларца, лаьттан доазонашца, гӏо эшарца дувзаденнараш. Иштта цига баьхка бар тӏема аренашка де доацаш байнача бӏухой цӏагӏара нах.
ӏаьдала болхлоша могаш дола гӏо дергда царна», - йоах тхога бенача хоамо. Хьатӏабаьхкараша чуденнача дехарашка хьежа, шийна могачох цар оагӏув хьаллоацаш къамаьл дир прокурора. Терко ца еш дутаргдац цхьаккха дехар.
