Хоржамаш боаггӏача боараме дӏадахьара терко еш хургба тӏахьожа нах
Хила дезача хоржамашка кийчо еш, къахьегаш ба тахан мехка. Хоржамий болх боаггӏача боараме, цхьаккха кхоачамбоацар доацаш дӏагӏоргболаш, лакха терко еш хургба тӏахьожамхой. Тайп-тайпарча ханага кхаьча, цу гӏулакхах дог лазаш бола бахархой ба из лертӏа хилийтара тӏехьа къахьегаргдараш. Хьехархой, лораш, инженераш, юкъарча оагӏонцара доакъашхой, пенсионераш, иштта гӏо деш лела хьинардараш хургба хоржамашка тӏахьожам беш.
«Бахархошкара тӏахьожамхой мехкарча Юкъарча палато хьахьожабеш ба, къаьстта йолча политически партей оагӏорахьара бац уж. Цу оагӏонцара бокъонаш йовзийташ, хоржамаш боаггӏача боараме, цхьаккха гӏалатло йоацаш дӏагӏоргдолаш, фу де деза хьийхад царна. Деррига хӏама довзаш, дика кийчбаь ба уж», - йоах «Сердалога» мехкарча паччахьалкхера бенача хоамо.
Тӏахьожам бераш шоай декхараш дика довзаш, болх боаггӏача боараме терко еш дӏахьош хилар чӏоагӏа лоархӏаме да.
Цудухьа тӏахьожамхой хьалххе кийчбеш болх дӏабихьаб мехка. Хоржамий оагӏонцара бокъонаш лораеш, деррига теркалдеш, хила беза цар из болх чакхбаллалца.
Тахан республике йоккха терко еш гӏулакх да из.
