Долакоара цӀа-интернат къахьегама Министерствон, прокуратуран тӀахьожама кӀалха я
ГӏалгӀайчен къахьегама Министерствос тӀахьожам лоаттабеш долча Долакоарча психоневрологически цӀагӀа-интернате Ӏеш долча берашца во хиларах бола хоам баьбар социальни бувзамашка.
ГӏалгӀайчен къахьегама Министерствос йоах, 2022 шера бекарга бетта, сага бокъонаш телхаеш моттиг йий хара бола болх дӀабихьаб цига.
2022 шера, ГӀалгӀайчен къахьегама министрага МутаӀаланаькъан Хьажбикарга къайлагӀа каьхат яздаьдар цига Ӏеш болча нахаца чӀогӀа во а молхаш дӀа ца луш а хиларах, царна психологически новкъостал цига деш цахиларах.
Из хабар хьалкхоаччашехь а, министерство МагӀалбик-Шахьара прокуратурага дехар дир; цигара санитарно-эпидемиологически хьал довза, психологически новкъостал дой ха, аьнна.
Белгалдаккха дезаш да, цу хана «Долакоара психоневрологически ГБУ цӀа-интернат, ковид яха лазар хилар бахьан долаш, къайла хиннилга. Цудухьа цигара хьал тахка йиш йолаш хиннадац.
Пркуратура дӀабихьача балха кӀийлен тӀа уголовни гӀулакх хьадийллар. Тохкама болх дӀахьоча кӀийлен тӀа балхара чувахийтар цу боахама кулгалхо Доврбиканаькъан Мухьмад, из хӀанз Ӏаьдало лоткъам эца безаш ва. Цул тӀехьагӀа, керда кулгалхо хержав, хӀанз дукхаза цига тӀахьожам бича, кхоачамбоацараш нийсденна моттиг хиннаяц.
