Менна волаш, машин хехкаш лийннар бехктокхаме озаргва
17.03.2026 10:24
Корта бохабеча маларах виза волаш, машин хехкаш лела эхь цахийттар суда хьалхашка жоп дала дезаш хургва. «Сердалога» из хоам бера ӏаьдала болхлошкара.
24 шу даьннача мехкахочунна духьала гӏулакх хьадийллар Наьсарерча прокуратуро.
Шахьаре гӏолла «ВАЗ-211540» машин хехкаш лийннав из, корта бохабеча маларах волаш.
Белгалде деза, ишттача хьале волаш ӏаьдала из хьалхагӏа а хоавеннилга. ГИБДД болхлочо машин дӏаяьккхар ший дегӏа доал де ца могача цу сагагара.
Магаса кхален судо дlахо тохкаш латт цун гӏулакх.
