ЦӀерцарча кхерамзленца дeвзаденнараш лорацадарах, гӀод техар ишкола болхлочунна
ЦӀерцарча кхерамзлен хьалаца дувзаденнарашта тӀахьожам бе арабаьннача цу оагӀонцарча болхлоша Наьсарерча ишколе цу оагӀонцара доккхий кхоачамбоацараш зийра. Ишкола коа йокъаенна баьцаш, нувхаш йоагаеш хиннача болхлочоа гӀод техар. 10 эзар сом гӀод такха деза цун хӀанз.
«Ара йокъал латтача, мух болча хана цӀи лотаяр геттара кхераме да. Цхьа зӀамигача сийго доккха хатар доаржаде тарлу. Бахархошка из хӀама лораде, кхаьч-кхаьчача цӀераш етташ дола во гӀулакх дита, фийла хила, яхаш, кхайкарал деш хьадоагӀа тхо. Бехктокхаме озаро мара тоадергдолаш гӀулакх дац из. Иштта хӀама леладерашта гӀод детта деза», - дийцар «Сердалога» Наьсаре, Наьсарен кхале цу оагӀонцара тӀахьожам лоаттабераша.
Бахархошка дехар ду цар, боккъал а ма летае цӀераш, шоана башха ца хетача хӀамаех доккха зулам хьахила йиш я! Цу оагӀонцара болх мехкарча моттигашка дикка чӀоагӀбеш дӀахохьоргболаш ба, хӀаьта гӀалатбаьннараша гӀод токхаргда.
