Краснуха (хьер) яха лазар теркалдеш хила яхаш кхайкарал ду лораша
Краснуха текхача наха, тӀехкашта лазар хьахьовш зийнад вай мехкарча ревматологаша тӀехьарча хана. Нахага кхайкарал ду цар, цу лазарах лоралуш, из хинначул тӀехьагӀа доагӀаш дола дарба чакхдоаккхаш, фийла хила, яхаш.
Лораша хьалхадоаккх, краснуха текхачул тӀехьагӀа къаьстта пхьарсаш, когаш хотташ йола тӀехкаш, голингаш цӀийеле, йийсте, чӀоагӀа лазаш хулилга. Волавала, моллагӀа хӀама де хала хул сага. Краснуханна духьала маьхий теха мел боацача боккхийчарна, берашта цхьатарра хьахьовш артрит да из.
«Цу лазара духьала эггара керттердар - ханнахьа маьхий тохар. Уж тохаро иштта доккха зе дайтаргдац цу лазарга дегӀа. Къаьстта чӀоагӀа лорабала беза цох дегӀаца цхьалха боаца кхалнах, хӀана аьлча царна шоашта санна, чдоаллача бера а Ӏаткъа тарлу из лазар, иштта къонала дӀатӀехваьнна волаш из хьакхийттачоа, артрит яха лазар хилар кхерам ба.
