Вахар хаьдача СВО доакъашхочун да-нана Жӏайрахьарча дарбанче дахийтар
11.02.2026 11:27
Тӏема аренашка вахар хаьдача бӏухочун Чуранаькъан Бахьаудина да-нана Жӏайрахьарча дарбанче дегӏа могашал меттаоттае дахийтар. Из хоам «Сердалога» бир «Даьхен лорабой» яхача ганза болхлоша.
Бӏухошта, цар цӏагӏарча наха дарбанче ӏобийша ха яккха гӏо ду ганза болхлоша. Дукха ха йоацаш, вахар хаьдача бӏухочун дас Ювсапа, нанас Аьсета дехар даь, ДРБ дегӏа могашал меттаоттае ӏобувшабир уж.
«Даьхен лорбой» ганза болхло волча Коазой Хьамида цар каьхаташ гулдеш къахьийгар, тӏехьагӏо ваха царга фу хьал тохкаш а хилар из.
