Гӏалгӏайчен Россельхозцентр кӏин кердача фуга хьожаш я
Дӏадоладир гурахьа дӏадувча ялата керда фу тахкара балхаш. Реcпублике Россельхозцентро дӏадийра 2026-2027 шерашкарча тохкама даькъ тӏа керда фу. Хьалхара дӏадувш долча фун майда я 1,5 гектар. Из болх бир Гӏалгӏайчен Шолжа кхален «Ама» яхача юртбоахама кхаш тӏа.
«Сердало» газетага ма аллара, из фу миштад хара говзанчаша хержар П.П. Лукьяненко цӏерагӏча Къаман центра ӏилманхоша кхедаь кӏа. Тохкама кхай тӏа дӏадийна кӏа да гурахьа дӏадувш долча кӏин 16 сорт, царна юкъе да «Антонина, «Граф». «Ишкол», «Тӏадехар», иштта кхыдараш, чӏоагӏача кӏин сорт «Синьора», мукхи кӏаи вӏашагӏъэдаь хьалкхедаь ши сорт - «Тихон», «Гимн».
Цу тайпара, дукхача шерашка миштад хьажара дӏахьоча балхо таро лу, Гӏалгӏайчен хаоттама хьалашка баьцовгӏаш мишта дегӏайоагӏа ха.
Из хьал бӏаргагуш хиларах, республикан юртбоахама къахьегамхошта ховш хургда российски фуно малагӏа таронаш лу, шоай кхаш тӏа дикагӏа хьатӏадаргдола фу харжа.
