Гурахьара ялаташ дӀаде кийчдеш ба РСХЦ болхлой
16.10.2024 11:13
«Хамхой Х.И.» яхача ахархой-фермерий боахамо 2 гектар долча доазон тӀа гурахьа дув ялат дӀадийра, из тахкар духьа.
Из хоам «Сердалога» бир Россельхозцентра зарбан болх лелабераша.
Укх шерара Ӏан кӀалха дода 10 тайпара дола ялат дӀадувш бола болх РСХЦ къахьегамхоша Лукьяненко П. цӀерах йолча ялат тохкача моттигаца цхьана дӀахьоргба. Цу гӀулакха вӀаший бартчӀоагӀо яьй цар. «Диъ тайпара да дӀаде кийчдаьча кӀин фу: «Хит», «Победа», «Арена», «Алексеич». Иштта ялх тайпара мукх: «Титан», «Мир», «Сатурн», «Юрий», «Кладенец», «Вася». Ялат сихагӀа тӀадоалийташ йола «Биосил» тохаш, «Сфинкс» КС яхача фунгацидаца тоадаьд ялат дӀаделехь», - дийцар тхога РСХЦ.
