Гӏалгӏайчен Паччахьалкхен архива кулгалхо дакъа лоацаш ва, архивий гӏулакха Кхеле
Омске дӏахьош я Федеральни архивий агентства чуйоагӏаш, архивий гӏулакха Кхела кхетаче. Гӏалгӏайчен Кулгалхочо тӏадилла декхар кхоачашдеш, цига дакъа лоацаш ва моттигерча Паччахьалкхен архивни гӏулакха кулгалхо, исторически ӏилмай кандидат Ховтанаькъан Руслан. Кхетаче дувца оттадаь дош да, 2036 шерга кхаччалца Российски Федераце архивни гӏулакх дегӏадоаладар.
«Доакъашхоша иштта дувц паччахьалкхен, доал деча даькъ тӏара архивни гӏулакха балха кердача бокъонех, лорадара хаттараш, каьхаташ меттаоттадар, технологеш юкъеяхар, къахьегарий болх тоабара хьалех. Гӏалгӏайче цу Кхеле дакъа лоацаш хиларо таро лу республикан балха говзал дӏагойта, Россе кхыча моттигашкарча архивий урхалленашца балхацара бувзам лелабе», - аьлар «Сердало» газетага моттигерча Паччахьалкхене.
Белгалду, карарча шера маьцхали бетта Гӏалгӏайче тӏаийцар архивни гӏулакха ӏилман-методически кхела кхетаче дӏаяхьар. Цу хана цхьан даькъ тӏа гулбелар хьалхале лелаю кхелахой, боахамий кулгалхой, архивий гӏулакха говзанчаш. Кхетаче дӏаяхьарах таро хилар бе-беча миӏингашца балха тӏагӏолла бувзам хотта, балха говзал эца.
