РФ Генпрокуратуран кхела кулгалхочо Гӏалгӏайче нах тӏаэцаргба
Российски Федераце Генеральни прокуратуран кхела кулгалхочо уголовни бехк бара хаттарашца дувзаденна нах тӏаэцаргба, яхаш, дийцар «Сердало» газетага республикан тӏахьожамхоша.
«Росийски Федераце Генеральни прокуратуран уголовни бехк бара дешаш мишта кхоачашду хьожаш, тӏахьожам лоаттабеча урхаллен кулгалхочун гӏончас Кондюков Вадим Юрьевича, Гӏалгӏай Республикан Прокуратуре дӏахьоргда нах тӏаэцаш дола ди, лаьца баьхкачара арабаьннача наха тӏахьожам барах, уголовни а административни а бехк бар кхоачашдарах дувцаргда цига», - аьлар хоамо.
Нах тӏаэцаш хургба 2026 шера аьтинга бетта 8-ча дийнахьа 10:00 cахьат даьлча денз 12:00 сахьат даллалца, Гӏалгӏай Республикан Прокуратуре укх адресах: Магас-Шахьар, К. Кулиева урам, 1-гӏа цӏа.
Гӏалгӏай Республикан Прокуратуре хьалхадаьккхар, цига хьабоагӏача наьха бокъо я, шоай хьашташ тӏадола каьхат е шоай дехарца ювзаенна материалаш хьая. Шийца паспорт е кхыдола из саг вовзийташ дола каьхат хила деза.
Беррига хоам шоана бовзаргба Гӏалгӏай Республикан Прокуратуре е телефон дӏатехача укх номерах 8-(8734)-55-04-17.
