ГӀишлошъяра министр хьежар, Яндарера №3 йола ишкол тоаяра болх мишта дӀабода
Республикан гӀишлошъяра министр Иленаькъан Муса вахар Яндарерча №3 йолча юкъерча ишколе, болх мишта дӀабода хьажа, яхаш, дийцар цигарча зарбан болх лелабераша.
«Дезал а бераш а» яха къаман проект кхоачашъеш, республикан гӀишлон Министерстваон дехарах, «Металлострой» ООО болхлоша карарча шера тушола бетта болх дӀаболабир ишкола тишъенна гӀишло цӀенхаштта тоае дагахьа, цу балха мах ба 28 млн сом.
Белгалду, карарча хана цига даь даьннад цхьацца дола балхаш, уйнаш техад, гӀишлон чура кхыдола балхаш даьхад, тхов тиллаб, кораш-наӀараш дӀаоттадабд, фо кхетийтара гӀирсашцара балхаш йистедаьхад, бӀеха хиш дӀаухаш йола моттиг кийчъяьй, хий а сердал а чуйиллай.
«Балхаца дувзаденна ше цига вахача хана, боахама кулгалхочунна ма дарра дайзар даь даьнна балхаш а, цар дикал а. Иштта цо болх бечарна цхьацца дола декхараш тӀадаьхкар, гучадаьха кхоачамбоацараш юстардахара. Деррига балхаш даь даргда карарча шера маьцхали бутт чакхбоалаш», - аьлар гӀишлошъераша.
