«Хӏамилг тӏайоагӏа моттиг» яха спектакль гойтаргья «Зарядье» вай мехкарча эрсий театро
02.08.2026 21:24
Эрсий паччахьалкхен ашарий-драматически театра актёраш Москве болхаш ба. Укх бетта 4-ча дийнахьа «Зарядье» яхача амфитеатре «Хӏамилг тӏайоагӏа моттиг» яха спектакль гойтаргья цар.
«Островски Александра цӏихезача пьесах оттаяь спектакль «Росси.Театр. Юкъарле» яхача Ерригача Россе боламга-фестивалага гӏолла гойташ я. Россе театральни болхлой Союза 150 шу дизара хетабаь болх ба из», - дийцар «Сердалога» мехкарча РГМДТ.
Массайолча ханашка даьржа хинна сий лорадарцара гӏулакхаш, хӏама хьатӏайоагӏа моттиг из оагӏув теркалбеш харжар мишта хила деза гойтаргда хьажархошта. Классически драматурги мишта латт хьокхаргда мехкарча эрсий театро. «Зарядьерча» ӏалама юкъе цӏихезача спектакла актёраш бовзаргба наха.
