«Бӏаьшерий боадонгара» яхача спектаклага хьажа бех бахархой эрсий театро
16.06.2026 10:09
Ер бутт бовш «Бӏаьшерий боадонгара» яха Базорканаькъан Идриса романах спектакль гойта кийчо еш ба эрсий паччахьалкхен ашарий-драматически театра актёраш.
«Вайна ма харра, гӏалгӏай къаман тхьоврача вахарера гӏулакхаш, ӏадаташ да цига дувцараш.
XӏX-ча бӏаьшаре хинна драматически истори да спектакле доаржадер. Турпалхой атта ца хиннача вахара деноех, цар дагалаьттарех, хьегаш хиннарех дувцаш я спектакль. Хьажархошта гургда, лаьрхӏачунга кхача гӏерташ цу наха мел дукха халонаш лайний»,- йоах тхога бенача хоамо.
Укх бетта 30-ча дийнахьа, кӏимарса бетта 1-ча дийнахьа нийса пхи сахьат даьлча, хьеж бахархошка, хьаьшашка театре.
«Пушкина карта» яхача Федеральни программага гӏолла эца йиш я билеташ.
