Укх бетта тӀехьарча кӀирагӀа, маьхий тохаш бола болх дӀахьоргба республике
Эпидемиологически хьал республике дикача боараме латте а, маьхий тохаш бола болх дӀабахьа лаьрхӀад Роспотребнадзорои унахцӀенон хьалах йолча министерствои.
Из хоам «Сердало» газетага бир Мехкадаь зарбан болх лелабераша. 24-ча денгара 30-ча денга кхаччалца дӀаяхьа лерхӀ республикерча ишколашка, берий бешамашка, интернета оагӀонашка гӀолла тайп-тайпара бахархой чулоацаш йола кхетаченаш.
«Болх беш хргба цу деношка «БӀайха бувзам», поликлиникашка, ФАПашка бахархошта наӀараш йийлла ди хургда. Иммунизаце керттера декхар - кхувш латтача тӀехьен унахцӀено лораяр. Вай дерригаш цхьа барт кхеташ долаш, чакхбаккха безаш болх ба из, иштта мара юхатохалургдац вайна цӀаьхха айлуш дола лазараш. Цудухьа боаггӀача боараме терко е еза цу гӀулакха», - йоах хоамо.
