Лаьца боахкача нахаца, терроризма кхерамах дийцар полице
Полице эпсара хьехама къамаьл хилар Гӏалгӏай Республикан ОФСИН УИИ лаьца боахкача нахаца, аьлар «Сердало» газетага моттигерча МВД.
«Гӏалгӏай Республике гӏолла йолча МВД экстремизма духьала къовсам лоаттабара Центра оперуполномоченни вийхар, Гӏалгӏай Республике гӏолла йолча ОФСИНа уголовно-исполнительни инспекци яра, цо цига лаьца боахкача нахаца хьехам беш къамаьл дир, йоах, бокъонаш лораеча боахама хоамо.
Полице дийцар Россена духьаларча мехкий лаьрххӏача агенташа тайп-тайпара кеп лелаю нах шоашкахьа баха дагахьа, царга тӏехьагӏа зуламаш дайтар духьа шоай мехка духьала. Къаьстта терко тӏаяхийтар Интернет бувзамий нах хьаькъалах тувлабеш, воча гӏулакхашта уж тӏехьабоахаш йолча оагӏонашта.
Иштта дийцар цу тайпара ӏехабенна зуламаш даь нах уголовни бехктокхаме озаш хиларах.
