Шелал отташ хиларах, цӀера кхерамзлен болх чӀоагӀбу МЧСа
Йӏовхал лоаттаяра ха дӀайолалуш хиларах, МЧСа болхлоша цӀи ялара кхерамзлен болх чӀоагӀбу, хӀана аьлча цу хана шолханеца дукхагӀа хул цӀи ялара хьал. Цу тайпара моттигаш дӀадахача шера 14 эттар,11 моттиг хилар газа угарах наьха могашал талхаш, яхаш, хоам бу «Сердало» газетага ГӏалгӀай Республике гӀолла йолча Россе МЧС ГУ зарбан болх лелабераша.
«Хӏара пешка хьалхашка, 70-50 см йолаш аьшка лист хила еза. Из лаьрххӀа цӀи ялара кхерамзлен лелаеш я. Пешка кӀура арауха моттигаш каст-каста цӀенъе еза. Пешка чу цӀи ювзаш; бензин, феткен, кхыйола ала балара тӀера хӀамаш лелае бокъо яц»,- аьлар ГӏалгӀай Республике гӀолла йолча Россе МЧС ГУ нах лорабара балха тӀахьожам лоаттабеча урхаллен кулгалхочо, Керттерча урхаллен кулгалхочун декхараш кхоачашдеш волча Котанаькъан Ахьмада.
Цӏи ялара кхерамзлен Ӏалашо яра, МЧС болхлой, коашка чуувтташ, болх беш ба; цар наха хьалхадоах, шоаш а гонахьарбараш а лорабара бокъонаш лелаяр. Даим доагадеш долча гӀирсашка хьожаш хилар, ший ханнахьа кхоачамбоацараш гучадоахаргдолаш.
