Хьувкъам чуэца кийчлу «Йоккха сомий беш «ГӀалгӀайче», болхлой эшаш моттигаш я цига
Ӏажаш чуэца кийчлуш ба вай мехкарча «Йоккхача сомий беша «ГӀалгӀайче». 2014-ча шера болх бе йолаеннача цу моттиго 240 эзар тонн совгӀа Ӏажий беркат чуийцад ший бешара. Пхе шера къахьийгачул тӀехьагӀа 1000 гектарага кхоачаш беш дӀашеръе аьттув баьлар цига.
«Даим цига болх бераш 1000 совгӀа саг ва, хӀаьта хьувкъам чуэцача хана, болхлой шозза дукхагӀа безаш хул. Дукхача шерашка денз, укхаза къахьегараша белгалдечох, дикка паргӀато я цига болхлошта: хӀама даа моттиг я, ханнахьа хьалуш алипи да, иштта кхыдараш а. Ӏажаш кхебарал совгӀа; гӀамагӀаш, гуржий боалаш, шапшаш, комсаш, нектаринаш кхею цу беркатеча беша.
ХӀара сом ший тайпара доал эшаш ба», - дийцар «Сердалога» мехкарча Паччахьалкхене.
Маьцхали бетта 20-ча дийнахьа дӀаболабергба сомаш чуэца болх. Цу гӀулакха кийчо еш ба цига тахан, кердача болхлошта моттигаш къоастаеш.
