Могаш боацаш хилар белгалдеча каьхатах ахча хьаэца аьттув ба, доалахьара хӏама леладеча наьха
Цхьацца бахьанашца цхьан юкъа болх бе вӏаштӏехьа доацаш бисача, доалара хӏама хьадеш болаш, цу тӏара йоал телаш болча наьха, 2026-ча шера денз, дегӏа могашал эшаяларах долча каьхатага гӏолла ахча хьаэца йиш хургья. Карарча болхлошта къоастаяь йолча бокъонга гӏолла, могаш боацаш хиларах пособи эца аьттув хургба НПД дӏателачар. Из хоам «Сердалога» бера вай мехкарча Паччахьалкхера.
Тха газетага бенача хоамах, цу программанна юкъеводачо, дехар чуденна, хӏара шерара «страховой» ахча (35 000 е 50 000 сом) къоастаде деза, цу тӏера цхьа боарам дӏатӏаухаргболаш болх дӏабахьа беза. Ахча телаш дола могашал эшаяларах дола каьхат кийчде йиш хургья шера доагӏаш дола ахча дӏаденна ах шу даьлча, е хӏара бетта из ахча дӏатӏакхахьийта ялх бутт баьлча.
Пособе боарам къахьегама шерашка е проекте дакъа лаца эттача ханага хьежжа хургба. Дехар чудала йиш я «Са йоал» яхача доалахьарча кабинете онлайн е Госуслугашка гӏолла.
Иштта Россе вай мехкарча Вахара оагӏонцарча ганза моллагӏча фусаме гӏолла а дӏабахьа йиш я из болх. Пособи хьаэца бокъо йолча хана,
Соцганзо ше хоам бергба сагага. Таьрахьашцара унахцӏено эшаяларах йола лист лора дӏакъайлача, хьатӏабоагӏаргба ахча хьахьожадарах бола хоам.
