ИнгГУ тоаба дакъа лоацаш хилар, республикан брейн-ринг оалача яхье
Гӏалгӏай паччахьалкхен университета гулъяь тоаба дакъа лоацаш хилар брейн-ринге, из дӏахьош яр моттигерча Кагирхой цхьанкхетара центре. Кхетаче дӏахьош вӏашагӏкхийтар дика дийша республикан кагий нах, из хилар цу тоаба цхьана беш бола болх гойтара дика майда.
«Брейн-ринг яха ловзар хетадаь да укх дунен тӏарча дукхача гӏулакхашта, дунен мехкашта, цар культурашта, дукхача хана денз хьадоагӏача ӏадаташта. Из ловзар дӏахьош, вай студенташа гойтар шоашта дукха хӏама довзаш хилар, цар дика жоп лора дунен таронех дувцача хаттарашта, уж бар тайп-тайпарча къамий ӏадаташ довзаш, наггахьа мара нийслуш доаца географически хьал миштад ховраш а бар царна юкъе», - аьлар «Сердало» газетага ИнгГУ.
Тхога хоам баьчо ма аллара, цу кхетаченашка дакъа лоацаш хиларо вуза студенташта таро лу, шоашта экспресс-анализ дӏахьош фу хов хьажа, иштта моттигерча кагирхой юкъарлон боарам тӏа доттагӏал чӏоагӏде.
