ГӏалгӀайчен вӀашагӀтехача наьк дарах йолча тоабо 3 майдилг яьккхар
ГӏалгӀай Республикан наьк дарах йолча вӀашагӀтехача тоабо кхо майдилг яьккхар «Къилбаседа Кавказа бӏаьстен ловзараш» яхача яхье. Из хилар Кисловодск-Шахьаре, яхаш, дийцар «Сердало» газетага моттигерча спорта Министерствон зарбан болх лелабеча ГӀаппархой Аишас.
«Толамаш даьхача дикагӀчарех цаӀ вар «Кисловодска арена» оалача спорта цӀагӀа Угурчанаькъан Мухьмад, цо шиъ дото совгӀат даьккхар,14-15 шу даьннарашта юкъе. Цхьа майдилг цо яьккхар лоӀамеча хьисапе 50 метр наьк деш, шоллагӀа дола совгӀат даьккхар 100 метр цу тайпара наьк дарца.
11-13 шу даьннарашта юкъе кхоалагӀа моттиг яьккхар Шаденаькъан Мухьаммада, лоӀамеча хьисапе 50 метр йола моттиг яр цунна толам бенар», - аьлар наькахой кхебеча моттиге.
Цох дувцаш, ГӏалгӀайчен наьк дара федераце президента Малсаганаькъан Ӏамархана белгалдир, яхь лоархӀаме хилар кхета а деш, бераша дика кийчо яь хинна хилар.
