ГӀалгӀайчен спортсменаш Селий мехка кийчо еш ба, массе тайпа чулоацача каратэх
Каратэх йола ГӀалгӀайчен тоаба кийчо еш я Селий мехка. ГӀалгӀайчен спортсменаш шоай цу даькъ тӀара говзал лакхъеш ба «Огонёк» яхача спортивно-унахцӀенон лагере. Из царна лоархӀаме да Ерригроссийски ондаргий тӀема говзал гойташ дола ловзараш дӀадолалуш кийчо яра. Уж дӀахьоргда гурахьа Анапе.
«Атлеташца цхьана кийчо еча базе ва ГӀалгӀайчен еррига оагӀонаш чулоацаш йолча каратэ Федераце президент Шовхаланаькъан Ӏаддал-Ӏазит.
Белгалду, Анапе дӀахьош дола тӀема говзала хетадаь ондаргий ловзараш- Россе эггара йоккхагӀа йола берий-ондаргий спорта даькъ тӀара моттиг я, цига хӀара шера берригача мехкара чӀоагӀагӀа бола спортсменаш гуллу»,- аьлар «Сердало» газетага ГӀалгӀайчен спорта Министерствос.
Уж яхьаш ерригача гӀалгӀай тоабанна а лоархӀаме я. Цар таро лургья вай спортсменашта физически, тактически боарам тӀа хила.
