Берий бешарча хьехархочун ди да тахан
27.09.2024 12:11
2004-ча шера гуйран хьалхарча бетта 27-ча дийнахьа денз, дездеш хьадоагӀа Россе берий бешарча хьехархочун ди. Берий беша кхетам лураш лоархӀаме да, нана дӀаяьлча, бераша ладувгӀаш, цар яхар хьаэцаш бола шоллагӀа нах болга белгалдеш, кхелла цӀай да из.
Магаса мэр волча Орцханаькъан Зайта даькъалабийцар цу атта боацача балха хьалхалаттараш.
«Хам баь варгвоацаш, къа да оаш хьегар. Бера дуне довзийташ, эггара хьалха цун начӀал гучадоаккхаш дола нах да шо. Иразе, беркате, аьттув болаш хилба шун никъ. Массахана бехктокхаме, шоай гӀулакх дезаш къахьега низ хилба шун!» - аьлар Орцханаькъан Зайта.
