Юртарча вахархочунна кхел ергья, эфедрон йохкарах
20.04.2026 15:22
Наьсарен прокуратуро чӏоагӏдир Буро кӏалха вахача 40 шу даьннача сага духьалара, из бехке веш дола уголовни гӏулакх. Наркотикаш йохкарах бехке ву из, яхаш, дийцар «Сердало» газетага республикан тӏахьожама боахаме.
«Тохкамхоша яхачох, 2023 шера, Наьсарен-Шахьаре, бехке веча сага 20 эзар сомах 1,73 грамм наркотикаш ехкар-эфедрон.
Цо дӏадахача шера оагӏой бетта 1,67 грамм эфедрон яха молха ехкар 25 эзар сомах»,- йоах хоамо.
Судо из саг чувеллав, цунна духьалара уголовни гӏулакх хьадийллар, наркотикаш йохкар бахьан долаш, из прокуроро ГӏР Магаса кхален суде дӏадахьийтар дӏахо тахкара.
