Галашка бахача наьха вахарера халонаш йовзаш хилар сенатор Илезанаькъан Микаил
14.07.2026 11:18
Галашкарча бахархой вахарера кхоачамбоацараш тохкаш хилар, сенатор вола Илезанаькъан Микаил. Юртара администраци, цу оагӏонцарча гӏулакхех йола министерствош оарцагӏъяьха меттадоаладе дезараш да уж.
«Эггара керттерчарех хилар фуьболах ловза моттиг тоаяр. 2027-ча шера болх дӏаболабергболаш кийча да проектни каьхаташ. Бакъда тахан из болх ма хулла сихбе лаьрхӏад; берашта, кагирхошта ха дӏаяхьа, спортаца бувзаме хила моттиг хургйолаш», - дийцар «Сердалога» Илезанаькъан Микаила.
Юрта меттадоаладе дезача кхоачамбоацарех да хин, тока хьал тоадар; юртара ишкол боккха болх дӏахьош, дешара моттигий куц хувцача программанна юкъеяхьар. Хӏара оагӏонцара болх боаггӏача боараме тӏахьожам беш чакхбаккха лерхӏ.
