Ставрополерча яхьашкара ялх майдилг яхьаш цӏабаьхкар Яндарера дзюдоисташ
18.02.2026 09:12
Ставрополерча Советски муниципальни оагӏонца дӏахьош хиннача яхьашка, ялх майдилг йоаккхаш белгалбаьлар Яндарера дзюдоисташ. Из хоам «Сердалога» бера царца болх беш хиннарашкара.
«Зеленокумск яхача шахьаре дӏахьош яр мехкашта юкъера яхьаш. «Чемпион» яхача ФОКера спортсменаш дикка говзал гойташ бар цига. Коазой Юсуф шоллагӏа моттиг йоаккхаш белгалваьлар, хӏаьта Котанаькъан Мухьмад, Гаракхой Ибрахӏим, Оздой Мухьмад, Доврбиканаькъан ӏаддал-Рахьим, Султиганаькъан Мухьаммад борза майдилгаш яьхарашта юкъе хилар», - йоах тхога бенача хоамо.
«Дега боккха тоам беш да вай кагирхой котбалар! Дӏахо а иштта толам болаш дӏабаха аьттув, низ хилба цар!» - аьлар ФОКе.
