Дукха бераш долча дезалашта цаӏ дола пособи далара юкъе хувцамаш дергда СФР
РФ Президента Путин Владимира могадаьр керте лоацаш, дукха бераш долча дезалашта тӏадоагӏар 10% лакхдеш дезалашта пособи къоастадара гӏулакха юкъе хувцамаш де лаьрхӏад. Из хоам «Сердалога» бу мехкарча СФР зарбан болх лелабераша.
«Болх тӏатеӏӏа дӏабахьа лерхӏ. 2026-ча шера бӏаьстан тӏехьарча бетта 22-ча дийнахьа чӏоагӏлуш да юкъедихьа хувцамаш. Хьалхагӏа цаӏ дола пособи доагӏаш хиннабоацарашта 50%-га кхоачаш оттадергда из. Госуслуги яхача портале гӏолла хоам бергба берий дезалашка. Укх шерарча наджгоанцхой бетта ахча дагӏац аьнна соцам баь хиннарий гӏулакхагӏа а юха тохкам беш хьожаргья СФР», - дийцар тха газетага.
«Дукха бераш долча дезалашта дикка атто еш вӏашагӏделлад из гӏулакх», - белгалдир мехкарча СФР оагӏон кулгал деча Йовлой Зубейра.
