2020-2021 дешара шера цу ишколашка деша дагIача берашта дIайха даар кхыча организацешкара хьакхухьар. Из бахьан долаш, юххьанцарча классашка деша дагIача берашта, хIаьта уж дар 36 138 бер, Iалашо е таро хилар.

Белгалду, РФ Президента Путин Владимира 2020 шера моажола бетта 1-ча денга кхоачаш юхханцарча классашка дагIача берашта дIайха даар хилийтара тIадиллача декхарах, ГIалгIайчен ишколашка дагIача берашта мах боацаш дIайха даар хургда.

Вай мехка гIолла, республика Кулгалхочо Келматанаькъан Махьмуд-Iаьлас тIадиллача декхарах 2021 шера моажола бетта 1-ча денга кхоачаш даар кийчдара моттигаш ишколашка Iалашъяьй. Из деккхар цо оттадаьдар карарча шера, Iай, ше ишколашкара хьал довза вахача.

ДIайха даар кийчдара бола болх дIаболабеннаб Шолже, МагIалбике, иштта МагIалбика, ДжIайрахьа, Назрана районашка, МагIалбика шахьаре.

Таханарча денна ГIалгIай республика ерригача ишколашка дикача хьалашца Iалашо яьй. Цу гIулакха лаьрхIа дола ахча хьожадир республика бюджетера.