МВД медсанчастера хӏама лочкъадар, юхатехар мехкарча ӏаьдала болхлоша
30.07.2026 00:54
34 шу даьннача мехкахочун тийшаболх юхатохаш, болх дӏахьош хилар МВД, ФСБ болхлой. Мехкарча МВД медсанчастера ахча лочкъадар тӏатетташ да цунна тахан.
«Белгалдечох, 1975-ча шерарча цу чу болх беш йолча мехкахочунца цхьа барт баь, кхоачашде ца лерхӏаш хинна гӏулакхаш хьатӏаэцаш, къахьегамах бола бартчӏоагӏам оттабаьб цар.
2023-ча шера оагӏой беттагара 2025-ча шера маьцхали беттага кхаччалца, 1 300 000 сом алапи хьатӏаихад цунна. РФ УК 4-ча д. 159 ст. (тийшаболх) бехктокхаме озаш ва из саг тахан», - йоах «Сердалога» вай мехкарча Россе УФСБ зарбан болх лелаберашкара бенача хоамо.
Из гӏулакх дикка тохкаш болх ба тахан дӏахьош. Кхыдолча ишттача оагӏонцарча зуламашта юкъе из вий хьожаш да ӏаьдал.
