Гӏалгӏайчен СК хьадийллар 39 млн сом совгӏа зе дарах дола гӏулакх
30.09.2026 16:51
Гӏалгӏайчен Наьсарерча СКР тохкама болхлоша хьадийллар вахар хьаллацара ахчаш ийдеш, куташ лелаярах дола гӏулакх, из зулам дӏалаьрхӏар РФ УК 4 д. 159.2 ст.
«Тохкама болх лелабераша яхачох, 2019 шера денз, республике болх беш кхаь юкъарлоно Гӏалгӏайче гӏолла йолча Россе пенсионнии вахареи страховане даькъерча доазон тӏарча моттигашка, боацаш бола нах ӏотӏаязбаь, уж болх бе йиш йолаш бац, аьнна, электронни каьхаташ чуделар. Цу тайпара, бокъонаш толха а еш, 39 миллион сом лочкъадир, из доккха къоал дар да», - аьлар «Сердало» газетага Гӏалгӏайчен тохкама Комитете.
Из гӏулакх хьадийллар Наьсарен кхален прокуратура гулъяьча материалах. Хӏанз тохкама болх лелабераш тешал гулдеш, дӏахо хиннар ма дарра тахкара, из чӏоагӏдеш ба.
