Дезала вахара бокъонаш телхаярах бола хоам тохкаш хилар вай мехкара СК
Маьтсела бетта лаьттача догӏаша дикка толхадаьд Юкъерча Ачалкхе бахача бераш долча дезала цӏа. Цу оагӏонцара цар бокъонаш ца лархӏара тӏехьа тохкама болх дӏахьош ба мехкарча Тохкама Оагӏон викалаш. Цу гӏулакха хьалхаэттар ва вай мехкарча Россе Тохкама комитета кулгалхо Асхабов Ахьмад. «Сердалога» из хоам бера цу моттигера.
СМИ арабаьнна хиннача хоамага гӏолла дӏахьош ба тохкама болх. Цу тӏа белгалдеш хинначох, укх шерарча маьтсела бетта лаьттача догӏаша чуӏе йиш йоацаш чӏоагӏа дохадаьд цу наьха цӏа. Тахан из дезал бахаш гаргара нах болча ба, из де декхарийла хиннараша цхьан юкъа чуӏе моттиг еннаяц царна, е цар дохадаь латта цӏа меттадоаладеш бац.
Тохкама оагӏон болхлоша ма дарра тохкаш латт из гӏулакх, халача хьале эттача шоай фусамах бехарашта гӏо цадара бахьанаш гучадоахаргда, шоай декхараш кхоачашдеш боацаш, ладара кхастарах РФ УПК 145-ча ст. бехктокхаме озаргба уж. Тохкама оагӏон кулгалхо ше тӏахьожам беш ва цу гӏулакха.
