Гӏалгӏайчен «Фермерий ишкол» кердача ноахала болхлой кийчбеш
Гӏалгӏай мехка дӏадоладир «Фермерий ишкол» яхача дешара проекта кхолагӏа дакъа. Из лаьрхӏа да республикан ахархой даькъ тӏа болх лелабергболаш, керда ноахал кхедара. Цар дешар дӏахьу Гӏалгӏай паччахьалкхен университета доазон тӏа. Программа безамца тӏаэцаш я, яхь дӏайихьачул тӏехьагӏа, къмаьл даь 30 саг харжар. Царна юкъе ба лаьрххӏача операце бӏухой а. Из проект лоархӏаме хет царна, профессиональни дешар кердадаккхара, юртбоахама балха даькъ тӏара хьал дикагӏа довзара.
«Из проект кхоачашъеш я Гӏалгӏайчен ахархой хьал дегӏадоаладара, цу даькъ тӏара болх дика дӏахьош хилар белгалдир дукха ха йоацаш Россе Президента Путин Владимира, мехка Кулгалхочунца ше къамаьл деш.
2024 шера денз, «Фермерий ишколе» дийша ваьннав 60 фермер; царех дукхагӏбараш, шоай болх хьа а лаьца, дӏаболхаш ба. Программа чудоагӏаш да теори, болх шаьрбар: бокъоний кӏийлен, маркетинга, бизнеса хьалагара республикан хьалхале лелаеча ахархой къахьегама моттигашка ӏомабалар дӏадахьарга кхаччалца», - аьлар «Сердало» газетага Гӏалгӏайчен Паччахьалкхено.
«Фермерий ишкол» оала проект дӏахьош я Россельхозбанка могаяь, Россе юртбоахама Министерствос хьаллоацаш. Агробизнес дегӏайоалаяра даькъ тӏа из керттерчарех цаӏ я.
Цун маӏан - юртбоахам лакха дикал йолаш, пайда луш йола бизнес хилийтар. Паччахьалкхен таронаш, банка хьалаш, ӏилман юкъарло хилар бахьан долаш, юртбоахама къахьегамхой таро хургья хьалхале лелаю никъ хьалаца. Говзанчаш юххьанца денз ӏомабеш хилар, цар балха говзал лакхъяр бахьан долаш, керда предприятеш дӏайолаеш, дӏадодар доа ца деш, лораде таро хургья.
