Таханарча тароний Ишколо ГӏалгӀайче кийчбу гуш доаца дуне кхоллараш
ГӏалгӀайчен театран, кино, таханарча заман лоаттама дешархоша Ӏомаеш латт таьрахьий хьалаш хьакхоллара говзал. Хьехамчаша бераш Ӏомаду кадр, лакха говзал йола сердал оттае, таханарча техникаца болх бе, шоашта тайп-тайпарча даькъ тӀа фу карагӀдоал хьажа.
«Цисканаькъан Надияс дика кулгал а деш, бераш видео хьал дика довза таро йолаш да. Болх дӀаболалу «даькъ тӀа»: бераша шоаш оттаю композицеш, иштта болх бу сердалца, шоаш хьатӏайоаккх хьалхара материал. Цунна кулгал деш ва Саганаькъан ИсмаӀал. ШоллагӀа бола лоархӀаме гӀа – хьатӀа- даьккха сурт профессиональни монтаж яра дехьадаккхар, программа чу хургдолаш. Къаьстта укхаза, монтаж еча студе, декъаденна кадраш цхьатарра мугӀарашка оттаду. Бераш Ӏомалу уж шоай мугӀарах нийса хилийта, шоай маӀанга хьежжа хилийта. Цу тайпара урокаш луш хиларо хьакхолл бӀарчча болх - йоккхий клипаш, чулоацам бола роликаш»,- аьлар «Сердало» газетага ЦТКиКИ зарбан болх лелабераша.
Укхаза берий таро я шоаш бокъонца бола режиссёраш е оператораш болга кхетаде. Профессиональни гӏирсашца болх баро, шоай дагалаттар кхоачашдеш хиларо, царна гойт шоай къахьегам: кийча видеоболх, из наха дӀагойта эхь хета дезаш бац уж, дика Ӏомабаь хиларах. Селхан дӀаболалуш мара цахиннараш, тахан гуш доаца дуне хьакхоллаш, профессионалаш болаш гу.
