Исторех ЕГЭ дӏалуш, 100 балл баьккхар Кердача Редантерча дешархочо
Исторех Цаӏ йола паччахьалкхен экзамен дӏалуш, 100 балл баьккха белгалваьлар Кердача Редантерча № 5 йолча ишкола дешархо Шаденаькъан Ахьмад. Из толам цунга цхьа цӏаьхха кхаьчабац. Дукхача шерашка къахьегаш, олимпиадашка, кхетама хьал гойтача яхьашка дакъа лоацаш, хьавоагӏаш вар из дешархо. Из хоам «Сердалога» бера мехкарча цу оагӏонцарча министерствера.
Белгалдечох, цу толамга из кхачара тӏехьа чӏоагӏа къахьийга я истори хьехаш йола Йовлой Къурейша ӏайшет. Ишколан администрацена, Ахьмада даьна, нанна баркал ала дезаш гӏулакх да из. Хӏаьта 100 балл боаккхаш белгалваьннача Ахьмада ше теркалдечох, деррига а хӏара денна тӏатеӏӏа къахьегарца кхоачашхинна да.
Исторически ӏилма, политологи, юриспруденци дега гарга долаш ва кӏаьнк, царех цхьа оагӏув харжа лаьрхӏа ва из, дӏахо деша отташ. Вай мехкал арахьарча вузе деша безам болаш ва Ахьмад.
