Наьсарен кхален дешархошта гойтар, РЖД хоза моттигаш
Яндарерча №3 йолча юкъерча ишкола дешархой таро хилар РЖД хоза а тамашийна а моттигаш го, яхаш, хоам бу «Сердало» газетага ГӏӏР Наьсарен кхален администраце.
«Берий экскурси дӏӏайихьар мехка лоархӏӏамегӏӏа болча балха даькъ тӏӏара хьалаш а цун моттигаш а гойташ. Дешархошта байзар, массаза лелаш йола цӏӏермашин йовзарал совгӏӏа, цун тоаба дӏӏахьош бола болх а: машиниста, диспетчера, инженера, технически болхлой, гӏӏулакх деш йолча персонала»,-аьлар хоамо.
Берашта хайра из фу професси я, яйзар цун массайола балха оагӏӏув, хӏӏара болхлочо деш дар; бехктокхаме, кхерамзле йолаш болх дӏӏабахьара ха дезар фуд.
Дешархой безам тӏӏабодаш бар из болх, цар хоза а хеташ тохкар цхьадола цу балха даькъ тӏӏара гӏӏулакхаш, техника йовзар, цӏӏермашина тӏӏа болх беш, шоашта фу карагӏӏдоал хьежар, из дар берашта дийзар.
Шоай профессиональни уйлаш кхетаярал совгӏӏа, цар лакхбир шоай сакхетам, царна кӏӏоаргагӏӏа дайзар цӏӏермашинашца дувзаденна дуне. Иштта царна хайра, хӏӏара безам болча сага, из санна дола гӏӏулакх корадергдолга, безам хилча.
