Мехкарча казанчий болх бовзаш хилар Ӏаьлий-Юртара дешархой
Мехкара рузкъан оагӏонцара болх мишта дӏахьош ба хьожаш хилар Ӏаьлий-Юртарча ишколера дешархой. Республикерча казначействон Федеральни оагӏон моттиге гӏолла экскурси дӏахьош бар уж.
«Балха тӏа хьалхарбараш» яхача федеральни проектага гӏолла, «Хьалхарбарий болам» яхача оагӏоно дӏахьош болх бар из. Федеральни казанчий оагӏон къахьегамхоша берашка дӏахьекхар хӏара дийнахьара шоай болх мишта дӏабодаш ба. Цу оагӏонцара болх бе ловш болча наха ха дезараш белгалдир цига. Дешархой дукха хаттараш дар цу гӏулакхаца дувзаденна. Белгалде деза, иштта йолча кхетаченаша къонабарашта юкъе дикка пайда боаржабелга, къаьстта цу оагӏонца къахьега ловш барашта эшаш да из. «Сердалога» из хоам бера Наьсарен кхален администрацера.
Мехкарча казначий Федеральни оагӏонца къахьегачарна доккха баркал аьлар экскурси дӏахьош хиннараша, иштта безаме тӏаэцарах. Кхоанарча вахаре шоашта накъабаргбола никъ хьалаца ловча дешархошта дикка пайда беш, дукха хӏама довзийташ кхетаче хилар цох.
