Оалкамарча дешархоша дийцар Гӏирма яхача ах-гӀайренах лаьца
«Дешархошта лаьрхӀа культура» яхача проекта чудоагӀаш, Оалкамарча культуран Цӏен болхлоша, моттигерча модельни библиотекаца цхьана, дийцар «Гӏирмах лаьца дола эггара хозагӀа дувцараш» яха исторически хьал, из хетадаь дар Гӏирма Россех хьакхийтта Ди хилара. 12 шу хьалха, из ди ах-гӀайрен ший тайпара истори долаш хилар, ший хьамсарча Даьхенах юха хьакхийтар из.
«Кхетачен доакъашхошта яйзар Гӏирман эггара тамашийна йола моттигаш. Берашта дайзар Гӏирман лоамий, хиний, сага тӀаваха таро йоацача ядача къаьнарча хьагӀарий, шахьарий къайленаш. Цу хӏамаша ший тайпарча ханашка, гаьнарча, Гӏирмах долча дувцарашка кхоачавора. Къаьстта йола терко лоаттайора мах болча культуран тӀехьаленна. Иштта дийцар, ах-гӀайрено мишта сапаргӀатадоаккхаш хиннад цӀихезача йоазонхой А.С. Пушкина, А.П. Чехова, Л.Н. Толостой, И.А.Бунина - царех хӀаране ший дега чӀегилг юташ хиннай цу хозача мехка хетабаьча ший кхолламе», - аьлар «Сердало» газетага Оалкамарча культуран ЦӏагӀа.
Кхетаче чакхъяьлар тематически викторина гойташ. Бераша боккхача безамца жоп лора ах-гӀайрен географе, исторе хаттарашта, хӀаьта эггара дикагӀа дакъа лоацаш хиннача доакъашхошта дагалоаттама совгӀаташ делар - Гӏирман керттера хоза моттигаш тӀайола открыткаш.
