Гӏалгӏайчен дешархоша шоай кулгашца новкъостал дир, СВО бӏухошта котало яккха
Боккъонца йола денала, шоайла новкъостал дара урок елар Магӏалбикерча № 2 йолча ишколе. Гӏалгӏайчен Халкъа фронта гӏончаш, къона эскархой вӏашагӏкхийтар, бӏухошта лаьрхӏа хьулавеш дола цхаралаш де. Цига лаьрххӏа вола хьаьша хилар, хьамсарча республике лоацца ха яккха цӏавенача мехкахочох-бӏухочох. Цун къамаьл хилар берашца, ше а хилар балха юкъе дакъа лоацаш, цхьа ди даьлча цо шийца дӏахьоргба из болх, СВО бӏухой хьаллоацаш яздаьча дукхача каьхаташца цхьана.
«Сердало» газетага президента болама хьинар долча наха ма аллара, кхувш йоагӏача тӏехьен цу тайпара моттиг дӏахьош хилар накъадоалаш да, уж ӏомалу цхаралаш дувцаш санна, цу балха даькъ тӏа кхыдола гӏирсаш де а. Хӏара цхарала даькъа шод чӏоагӏбеш, цар кхетаду, шоай кулгашца цар хьадаьр вай бӏухошка кхоачаш долга, шоай мехка деш дола новкъостал хиларах из царна боча долга. К
ӏеззига даь а мехкахоша новкъостал деш хилча, бӏухошта цо дега йӏовхал лу, шоаш дӏахьош дар юкъара гӏулакх хилар хоадолийт.
