Дешархой боккхагӏчар турпала гӏулакхаш довзаш ба
Гӏалгӏай къам мехкахдаккхарах болча дагалоаттама Мемориале дӏахьош да «Вахаре массаза я турпалал гойта моттиг» яха хьажар, цо тӏахьех гӏалгӏай къаман исторе турпала оагӏонаш йовзара. Гӏалгӏашта хетабаь гойтам - Советски Союза, Российски Федераце турпалхошта, шоай гӏулакхаш, дика масалаш гойташ дӏадихьача наха хетабаь ба. Цига баха хилар Магас-Шахьара дешара Центре багӏараш, царна цох урок хилар Даьхенцара безам совбаккхара, доккхагӏча ноахалашта карагӏдаьннар лархӏара.
«Дешархой боккхача безамца хьежар архива сурташка, каьхаташка, вай турпалхоех дувцаш йолча материалашка; цул тӏехьагӏа, шоашта хетар аьлар. Дукхагӏчар белгалдир шоаш доаккхал деш хилар къамах, халача ханашка турпалал гойтача мехкахой шоаш лерхӏам беш хилар. «Вахаре массаза а я турпалал гойта моттиг» яха гойтам хьалхадоаккхаш ба шоай Даьхенцара безам чӏоагӏа хилча мара турпала гӏулакхаш карагӏдоалаш цахилар. Тахан из мах бар дахаш да кердача ноахалашка», - аьлар «Сердало» газетага Гӏалгӏайчен МКЖР.
Турпалча гӏулакхаша даим дог ураоттаду. Берашта из геттара лоархӏаме да. Ноахалцара бувзам чӏоагӏлу турпалхой бовзийташ хиларца, исторически дагалоаттам чӏоагӏбарца, къона дегаш сомадоах, Даьхе езара мах бовзийташ.
