Мехкарча Паччахьалкхен галерее баха хилар Шолжа-Шахьарера дешархой
Шолжа-Шахьарерча № 2 йолча ишкола дешархой, шоай хьехархочунца ӏалбаканаькъан Товжанаца мехкарча Паччахьалкхен гойтама галерее баха хилар. Шоай къаман истори довза, тахка аьттув бар берий цу дийнахьа. Къаман истореца, ӏадаташца, культураца дувзаденнарашка хьожаш; чӏоагӏа тамаш еш дар бераш. Къаьстта дукха хаттараш хилар цар гӏалгӏай къаман хала хиннача ханашца дувзаденнарашта тӏагӏолла.
«1944. Дагалоаттама кизга» яхача оагӏонцарча балхашка хьожаш даьхкар бераш. Иштта, чӏоагӏа тамашийна хеташ, хьийжар уж вай пхьараша шоай кара хьаяьча тайп-тайпарча хӏамашка. Берашта хьалхаяьнна хинна ӏалбаканаькъан Товжан суртанча волча Цхьорой Аюпа балхаш дезаденна йола дукха ха я. Кхолламца бувзам болча сага начӏал мел кӏоарга хила йиш я, хӏара болх ший маӏан долаш болга белгалдир цо кхувш латтарашта. Шоай бӏаргашта гуш мел хиннача хӏамах тамаш еш дар бераш цу дийнахьа, чӏоагӏа дог айденна дар уж», - дийцар «Сердалога» галерее.
Белгалде деза, кхувш латтача къонача тӏехьенна иштта йола экскурсеш чӏоагӏа лоархӏаме йолга. Шоай къаман селханара истори, тахан даржаш латтараш дайзар царна. Даьхенцара безам, шоай къаман культурацара бувзам чӏоагӏбеш хул бершта ишттача моттигашка дакъа лацар.
