Гӏалгӏайчен дешархой дакъа лаца бех, экологех йолча онлайн-олимпиаде
Гӏалгӏайчен дешархой таро я, гонахьарча дунен, экологе Ерригроссийски онлайн-олимпиаде дакъа лаца, яхаш, хоам бу «Сердало» газетага Гӏалгӏай Республикан ӏалама Министерствос.
«Кхетаче дӏахьоргья 2026 шера тушола бетта 2-ча дийнахьа. Цун керттера маӏан да - ӏалам лорадара хьал мишта леладе деза кагирхошта хьалхадаккхар. Олимпиада вӏашагӏъеллараш ба «Къаман керттердараш» яха АНО, УЧИ.РУ дешара оагӏонца цхьана, РФ ӏалама тароний, экологе Министерствос хьал а лоацаш», - аьлар лоархӏамеча хоамо.
Белгалду, дукхагӏа бола дешархой, къаьстта йоккхагӏча классашка багӏараш, дика дакъа лоацаш ба тайп-тайпарча экологически боламашка, хӏара шера вай республикан шахьарашка, юрташка белхий беш. Оаха дӏалу лоархӏаме мах бараш вай берашта, царна хьалхадоаккхаш, гонахьара ӏалам мишта лораде деза», - аьлар ГӏР кулгалхочо Келаматанаькъан Махьмуд-ӏаьлас, цу йоккхача кхетаченах дувцаш.
Онлайн-олимпиаде дакъа лацаро гонахьара хьал дикагӏа довзийтаргда. Республикан кхувш йоагӏача тӏехьено, боккхагӏчар хьалха а доаккхаш, дика дакъа лоац еррига юкъара экологически культура кхоллара юкъе.
