УнахцӀенача вахара дешархой тӀахьехаш болх дӀакхухь мехка
Наьсарерча № 20 йолча ишколе дӀайихьача кхетаче дийцар дешархоша шоай унахцӀено лораярах, шоашка хьожаш хиларах. Къаьстта терко тӀаяхийта дийцар сахарни диабет яхача, тахан вайна юкъе геттара даржаш латтача лазарах.
Берий поликлинике лор йолаш болх беш йола Хьашанаькъан Зинаида яр берашца къамаьл деш хиннар. Дешархошта цо хьалхадаьккхар, унахцӀено къона волаш лорае езилга, ший дегӀа уйла еш хила везилга.
Къона волча хана керта тӀа хӀама йоацаш, цхьалха лела безам болаш хул цӀий дӀайха хиларга хьежжа, бакъда ха дӀаяхача хьатӀадоал лазар, цудухьа дегӀ лораде деза. Сахарни диабет яхача лазарах дувцаш, саг ше буаш бола кхача хоржаш, дегӀа зе деш йола хӀама ца юаш, дегӀ хьоадеш, цхьацца болх беш, хила везилга белгалдир лора.
«Иштта йолча кхетаченаша къонабарашта дукха хӀама довзийт, къона болаш шоай дегӀ лораде дезилга хайт», - аьлар унахцӀенон гӀулакхех йолча министерстве.
