Сага низ барах хургдараш дийцар мехкарча тохкама болх бечар
Сага низ тӏалоаттабарах, харцо лелаеш бала бахьарах, бектокхаме озаш хиларах дийцар вай мехкарча тохкама оагӏон болхлоша. «Сердалога» из хоам бера мехкарча РФ СК тохкама моттигера. Цу моттига телеграм- оагӏон тӏа оттадаьд «Буллинг яха дош довзий шоана?» Из гӏулакх бахьан долаш малагӏча тайпара бехктокхаме озаргба белгалду цига.
«Цхьан тоабан доакъашхоша, е цхьанне кхычунга бала бахьар, харцо лелаяр, тоӏавар белгалдеш да из. Иштта хӏама леладераш бехктокхаме ца озаш, шоашта доагӏар дӏа ца эцаш бусаргбац», - йоах тхога бенача хоамо.
Къонабарашта хьалхадоаккх, кхыволча сага низ тӏалоаттабар, харцахьара къамаьлаш доаржадар, наьха сий доадеш дола хӏама леладар РФ бокъонех бехктокхаме оттавергволга. Иштта дола хӏама теркалдича, эггара хьалхарча оагӏонца фу де деза белгалду цига.
«Бер кхерамеча хьале да» яхача оагӏонцарча номерах телефон дӏатоха еза: 123 е 8-8734-55-03-05, 8-8734-55-04-67.
